اقتراح للتقدم بالمنتدى الى احسن مستوى

السلام عليكم

اني عضوه جديده واكيد مو من حقي ادخل بتصميم المنتدى او ترتيب مواضيعه بس بما انه اني سجلت وياكم معناتها لازم اساهم في تقدم هذا المنتدى
فعندي اقتراح اذا سمحتم

شفت بالمنتدى اول مواضيع بيه تخص الحاسبه والنت والبرامج وهوايه تقريبا ماخذه المنتدى كله اني اكول لو تخلي برامج الحاسبه والنت في مكان واحد يعني نكتب مثل اقسام الفن والفنانين نكتب اقسام برامج الحاسبه ونخلي المواضيع كلها هناك

واقسام التلفون والموبايل هم اقسام وحدها
واقسام الترحيب ميصير تكون بأقسام الاداريه ولازم يصير بالمقدمه المنتدى
وحتى العضو الي يشارك جديد يشوف المنتدى مرتب ويسوي واهس للمشاركه ولو هو حلو ما شاء الله عليه
حبيت اساعد لا اكثر واذا بكلامي شي معجبكم اني اسفه
وتحياتي الكم
وانتظر ردكم

ونسيت شي مهم جدا جدا

اقسام تخص الاسره مثل عالم الرجل وعالم المرأة وعالم الطفل والاسره

واقسام دينيه يعني قصص احاديث معجزات

واقسام العاب وتعارف بين الاعضاء او اقسان تختص بالمرح

يعني من هذا الشي حتى المنتدى يكون مرحب عند الزائر وراح يشارك اكيد

مشكورة يا وردة على اقتراحج

وان شاء الله

بجهود الطيبين مثلج

يرتقي المنتدى

وكل اقتراحاتج جاري العمل بيها

ان شاء الله تفتح باقي الاقسام عن قريب

مشكورين على الجهود والمنتدى اكيد حيصير احلى ان شاء الله

الله يوفقكم

كل التقدير

ان شاء الله حتى انسوي دعايه للمنتدى كبيره بس خلي يكمل المنتدى ان شاء الله